Zezen Beltz elkarteak jendeari karnabaletako sokamuturreko bideo laburrak eskatu dizkio aurten, lehen aldiz, ikusentzuneko artxiboa osatzen joateko, eta emaitza ederra izan da: 121 bideo jaso ditugu, eta 25 lagunek bidali dituzte. Joan den igandean bukatu zen epea, orain montaje lan bat egiten ari gara, eta irudiak jarriko ditugu elkartearen YouTubeko kanalean. 25 bidaltzaileen artean aste honetan zozketatuko dugu bi lagunentzako afaria, eta Zezen Beltzen elastiko batzuk ere zozketatuko ditugu; emango dugu horien berri ere. Eskerrik asko denei! Bideoa: Mikel Perezek bidalia.
